| Nowha - Abbas Chale Aao Shayar: Shahid Jafer Nowhaqan: Nasir Zaidi (Anjuman Tanzeemul Hussaini) abbas chale aao bachi na guzar jaaye darwazaey zindan par ro ro ke na mar jaaye kaano se lahoo payham shano pe tapakta hai bibi ke tadapne par dil sab ka tadapta hai zindan ke andheyre may bemaar kidhar jaaye abbas chale aao.... baazar se ho aayi darbar se ho aayi aashore ko jangal may shabbir ko kho aayi ab sirf yehi zid hai tum aao to ghar jaaye abbas chale aao.... aahat koi hoti hai sinay se lagati hai aaghosh may bachi ko ghabra ke chupati hai madar ko ye dharka hai sotay may na dar jaaye abbas chale aao.... kaunain ki shahzadi hai khaak basar kab se ik pal ko nahi soi tum duur gaye jab se ghut ghut ke aseeri may zainab hi na marjaye abbas chale aao.... kuch deyr ko laila ke shahzaday ko le aao aate huye godi may shash mahay ko le aao ukhda hua dam shayad ik pal ko thehar jaaye abbas chale aao.... itrat pe jo guzri hai waqif hai jahan sara shahid hai zameen saari shahid hai zaman saara ay kaash kisi surat sughra ko khabar jaaye abbas chale aao.... |
