| Nowha - Ameer Bhi Hai Ghareeb Nowhaqan: Mir Hassan Mir Shayar: Mir Takallum ameer hussain ghareeb hussain ameer bhi hai ghareeb bhi hai hussain mehboobe kibriya hai hussain ghurbat ki inteha hai ameer bhi hai.... hussain maqsoode karbala hai hussain mazloome karbala hai ameer bhi hai.... ameer aisa kafan ki saughaat jiske roze se bat rahi hai ghareeb aisa ke khud ko ab tak kafan mayassar nahi huva hai ameer bhi hai.... ameer aisa ke jis ka jhoola nabi jhulayein ali jhulayein ghareeb aisa ke jiske bachey ka ban may jhoola bhi jal gaya hai ameer bhi hai.... ameer aisa ke rasme parda-dari chali hai usi ke ghar se ghareeb aisa ke sham-o-kufa may us ki hamsheer be rida hai ameer bhi hai.... ameer aisa sakina jaisi khuda ne beti jise ata ki ghareeb aisa usi ke moo par koi tamachey laga raha hai ameer bhi hai.... ameer aisa ke jiski baba ki milkiyat may hai hawze kausar ghareeb aisa ke teen din se usi ko pani nahi mila hai ameer bhi hai.... ameer aisa khuda ka deen jiske dam se hai aaj tak salamat ghareeb aisa ke ran may jiska badan salamat nahi raha hai ameer bhi hai.... ameer aisa ke patharo ko bana de gohar wohi takallum ghareeb aisa ke patharo may usi ka laasha chupa huwa hai ameer bhi hai.... |
