| Nowha - As-Shaam Shayar: Shahid Jafer Nowhaqan: Ali (Anjuman Hyderi Ali Basti) kisi bemaar ke hoton pe raha ek hi naam haaye ash-shaam haaye ash-shaam haaye ash-shaam jabaja kocha-o-bazaar may logon ka hujoom jaise melay ka sama jaise kisi eid ki dhoom aur zanjeer may jakda hua mazlom imam haaye ash-shaam.... nok-e-naiza pa wo quran sunatay huye sar apne chehro ko wo balon se chupatay huye sar aur is haal may phir umme habiba se kalam haaye ash-shaam.... saat-so kursi nasheeno se bhara wo darbar haram-e-shah ke hamrah wo bekas lachaar usi laghar ke garajtay huye lehjay ko salaam haaye ash-shaam.... tasht may farq-e-shahe deen pa wo hakim ki chadi dil-e-bemaar pa wo lamha qayamat ki ghadi zabt ki aakhri had paar hai imamat ka qayaam haaye ash-shaam.... sab aseero ke liye ek andhera zindan is andheray may tadap kar kisi bachi ka fughan kis ko neend aayegi aise may kahan ka aaraam haaye ash-shaam.... raat ke pichlay peher baap ko jo roti thi margayi shaam ke zindan may phir wo bachi ek bhai pe guzartay rahay kya kya aalaam haaye ash-shaam.... baad-e-aashur jo rota raha chalees baras zehr-e-hashaam say mara gaya aakhir bekas aakhri waqt bhi shahid yehi kehta tha imam haaye ash-shaam.... |
